|
Forretningsplan
Stasjonen vil ha fire hovudaktivitetar
- Forskingsstasjon
- Kontorfellesskap for kystbasert næring
- Informasjonssenter
- Vaskestasjon for oljeskadd fugl
Forsking
Forskingsstasjonen vil vere den dominerande aktiviteten i
senteret. Stasjonen skal finansierast av prosjektmidlar (eigne
prosjekt) og ved å leige ut kontor, mannskap båt
og anna utstyr til gjestande forskarar. Inntekter frå
desse vil vere den dominerande inntektskjelda.
Forskingsplan (langsiktig overvaking)
- Meteorologi
- Oseanografi
- Vasskvalitet og forureining
- Sjøfugl: overvaking og beredskap
- Marin biologi
- Hardbotns fauna
- Hardbotns flora – alger, tang
og tare
- Plankton
- Fisk
- Sjøpattedyr
- Flora
Vi har i samarbeid med MRB/Sintef gjennomført ein
marknadsanalyse av gjesteforsking. Vi har funne at det er
realistisk å rekne med ca. 1500 overnattingsdøgn
frå gjestande forskarar. Vi reknar med at kvar forskar
betaler i snitt kr 900,- per døgn for overnatting,
kontor og tilrettelegging.
Kontorfelleskap for kystbasert
næring
For å få til eit aktivt miljø på
stasjonen gjennom heile året vil vi invitere lokale
kunnskapsbaserte verksemder til kontorfelleskap saman med
Runde Miljøsenter AS. Vi reknar med at 3-4 kontorplassar
går med til dette formålet.
Informasjonsenter
Senteret skal innehalde:
- Turistinformasjon
- Gjestetoalett og garderober
- Utstillingar
- Kafeteria (enkel)
- Suvenirbutikk
Turistinformasjonen skal rettleie besøkande om attraksjonar,
overnatting etc. på Runde og på Sunnmøre.
Her vil ein òg selge billettar til utstillingsområdet.
Frå turistinformasjonen har gjestane fri tilgjenge til
kafé, butikk og sanitæranlegg.
Drift av kafeteria, butikk og utstillingar er basert på
at salet skal dekke driftkostnadane. Sanitæranlegg er
basert på driftstilskot. Herøy kommune har vedtatt
å løyve eit årleg tilskot på kr 35.000.
Basert på samtalar med kommunen har ein kome fram til
fylgjande:
- Sanitæranlegget skal innehalde do, dusj og garderobar.
- Totalt areal skal vere ca. 30-40 kvadratmeter.
- Anlegget skal ha eigen inngang.
- Anlegget skal vere tilgjengeleg fram til normal leggetid
Til inforsenteret har ein kalulert med 7000 betalande gjester
per år. Inkludert i dette talet er rekna 1500 skuleborn
frå omkringliggande distrikt.
Vaskestasjon for oljeskadd fugl
Vasking av oljeskadd fugl skal gå føre seg i
tilknyting til stasjonen sin våtlab-seksjon. Oppbevaring
av fugl før og etter vasking skal skje i spesialinnreidde
rom eller telt. Stasjonen skal ta imot fugl frå heile
landet, men i første rekke frå området
mellom Bergen og Lofoten.
Drifta av stasjonen er basert på eit årleg offentleg
tilskot for å oppretthalde beredskap og trene mannskap.
Ved større ulykker reknar ein med at utgiftene, som
ved tidlegare høve, blir dekt av Kystdirektoratet.
Fornybar energi
Forskingsenteret skal arbeide med problemstillingar omkring
miljøvennleg og fornybar energi. Dette er eit stadig
viktigare tema både regionalt og globalt. Marknaden
for ny teknologi innanfor dette området er svært
stor, og den er aukande. Vi ynskjer å motivere lokalt
næringsliv til å utvikle produkt og teknologi
som på lang sikt kan vere med på å oppretthalde
aktiviteten innanfor mekanisk industri. Vårt bidrag
til denne utviklinga vil vere:
- Samle grunnlagsdata på bølgjer
og straum, vind og temperatur
- Arrangere konferansar
- Invitere internasjonale forskarar
til å arbeide på Runde
- Knyte kontaktar mellom forskarar og
industri
|
