|
Presentasjon frå
Foto og illustrasjon: Knut Werner Alsén
Vakuumtoalett på Runde Miljøsenter
Jets er eit norsk konsern med base på Hareid, ikkje
langt frå Runde Miljøsenter. Bedrifta vart
etablert i 1986 etter at grunnleggaren Olav Hofseth fann
opp ein revolusjonerande
pumpeteknologi for vakuumsystem.
Sidan den gong har Jets erobra over halve verdsmarknaden
for vakuumtoalett til skip. Tidleg på 90-talet vart
vakuumsystema også tekne i bruk i bygningar på land.
Både i det maritime og på land har ein stor nytte
av vakuumtoaletta sitt låge vassforbruk på ned
mot 0,5 liter, og av at kloakkvolumet blir redusert med 80-90%.
Med dotterselskap og avdelingar i Asia og Europa, samt eit
globalt forhandlarnettverk som leverer vakuumsystema frå Sunnmøre
til heile verda, har Hareidsbedrifta Jets lenge vore internasjonal.
Men nyskaping og vidareutvikling av vakuumteknologien og
tilhøyrande produkt som t.d. renseanlegg skjer framleis
i hovudsak på Hareid - og då gjerne i samarbeid
med forskingsmiljø som Runde Miljøsenter, Universitetet
for Miljø- og Biovitenskap, og andre aktørar
som er leiande på sine felt.
Til Runde Miljøsenter har Jets levert eit sanitæranlegg
som er meir omfattande enn det ein ser ved første
augekast - det vil seie når ein brukar toaletta. Ein
pumpestasjon med to av Jets sine eigenutvikla pumper er plassert
i første etasje i hovudbygget. Denne stasjonen lagar
vakuum i rørsystemet og transporterer avfall frå Jets-toaletta
i både hovudbygget, leiligheitene som er tilknytt senteret,
og i eit nabobygg med fem baderom.
Det at ein enkelt pumpestasjon betjener alle desse toaletta
i fleire bygg er mogleg fordi vakuumsystemet ikkje treng
gravitasjon for å fungere, i motsetnad til vanlege
toalett. Kloakken kan fraktast horisontalt gjennom røra
frå toaletta - eller til og med oppover!
Den høgkonsentrerte kloakken frå vakuumanlegget
blir pumpa frå hovudbygget ut til ein utandørs
oppsamlingstank. Kloakken er ein energiressurs sidan den
er så lite utvatna, og det er planlagt å utnytte
denne ressursen i form av biogass til oppvarming. På den
måten kan elektrisitetsforbruket reduserast. Eller
sagt med andre ord: det gjer kretsløpsteknologi mogleg
i praksis.
Jets har også skaffa seg areal ved Runde Miljøsenter
for å kunne gjere framtidige utvidingar, sidan anlegget
og fasilitetane ved senteret egnar seg svært godt til
forskings- og utviklingsarbeid knytt til mellom anna kloakkhandtering.
For Jets er Runde Miljøsenter langt meir enn ein kunde
- det er ein partner som er og blir viktig for å ligge
i forkant av utviklinga.
Brosjyre: Jets
på Runde
www.jetsgroup.com
post@jets.no
 
Toalett frå
Jets ved Runde Miljøsenter. Foto: Knut Werner Alsén
|
