|
Havørndag på Runde Miljøsenter
Palmesøndag
Alv Ottar Folkestad i konversasjon med havørner. Fotograf:
Roger Engvik, Sunnmørsposten
24.03.2010
Palmesøndag 2010 klokka 15:00 held ornitolog Alv
Ottar Folkestad eit spennande fordrag om Havørn.
Det har i dei siste vekene blitt observert mykje havørn på Runde.
Ta med
kikkert og legg søndagsturen til Runde og observer havørnene som
no i
vandringstida samlar seg på Runde.
Etter å møtt havørna for første gong på Runde
sommaren 1960, den gongen
nærast ein sensasjon, har Alv Ottar Folkestad fått høve til å gjere
seg
inngåande kjend med denne fuglen. Frå hausten 1973 fram til dags
dato har
han vore leiar for det såkalla Prosjekt Havørn i Norge, eit prosjekt
som
hadde som mål å kartlegge havørnbestanden i Norge, og som
i åra etterpå har
utvikla seg til å overvake utviklinga av havørna både her
til lands og over
heile utbreiingsområdet.
Det er kunnskap om og opplevingar med denne
fuglearten han vil dele med andre gjennom eit foredrag på Runde miljøsenter
komande søndag. Nær 40 års samkvem med ein spennande og imponerande
skapning
har avdekka sider som har overraska forskaren og som vil bryte ein del med
tradisjonell oppfatning av rovfuglane. Kanskje vil også du få innblikk
i nye
sider ved naturen. I alle fall vil du få høve til å stille
spørsmål om denne
kjempa blant kystfuglane og den største av dei europeiske ørnene.
Det blir open kafé med middagservering.
|
