|
Runde miljøsenter med i nytt prosjekt
for havovervaking
Illustrasjon: forskningsradet.no
Norges Forskingsråd løyvde nyleg 18 mill kr
til Geofysisk institutt ved Universitetet i Bergen til eit
prosjekt for havovervaking med ny måleteknologi, såkalla
undervassfly eller ”gliders”. Runde miljøsenter
er partnar i dette prosjektet NACO, Norwegian Atlantic Current
Observatory.
Instrumenta (sjå illustrasjon) som skal nyttast, kan
gå autonomt opp ned i sjøen i mange månadar
og samle data. Mens dei er oppe på overflata ei kort
stund sender dei miljødata til land, og det er då mogleg
samstundes å kommunisere og omprogrammere dei, få dei
til å endre kurs m.m.
Det geografiske fokuset for prosjektet er området
Eggakanten ved Møre og nordvestover i Norskehavet,
og Runde ligg her svært lagleg til som base. Miljøsenteret
er tiltenkt rolla med å koordinere utsetting og opptak
av instrumenta, og overvaking/kontroll undervegs. Prosjektet
går over fem år og inneber behov for opprusting
av fasilitetane ved miljøsenteret og for teknisk personell
for å handtere utstyr og data.
Prosjektet vil inngå i ein større europeisk
og internsjonal langsiktig satsing for denne type målingar
i sbm fiskeri- og havovervaking. Prosjektet bidreg til å styrke
senterets relasjonar til Universitetet i Bergen. Den internasjonale
forskingsdimensjonen og bidraget som målingane vil
innebere for å auke kunnskapen om økosystema
utanfor Møre og i Norskehavet, er og viktig for Runde
miljøsenter.
Prosjektleiar: Prof. Peter Haugan, Universitetet i Bergen
Kontaktperson ved miljøsenteret: Lars G. Golmen
Sjå meir informasjon her:
http://nyheter.uib.no/?modus=vis_nyhet&id=46122
|
