Foto: Lise Chapman, Runde Miljøsenter.
Uventa møte med storkval i indre
Herøy
Tirsdag 4. august var Annelise Chapman, Roger Kvalsund og
Oliver Hofmann frå Runde Miljøsenter ute på
rutineoppdrag. Dei samla inn hydrografidata i "Den
grøne korridor" mellom Grasøyane og
Selvågdjupet vest av Eika.
På heimveg tilbake til Runde stod dei som biologar
flest speidande etter interessante observasjonar. Brått
vart dei var ein storkval som var oppe og bles i området
mellom Kriksholmen og Røyralykta på sørsida
av Dimna. Det var overraskande at den skulle vere på
så grunt vatn, så langt sør, og så
langt inne frå kystlina. Dei kom den ganske nær,
og på få meters hald kunne kvalen observerast
i 15 minutt. Då dei forlet den, symde kvalen i retning
Kvalneset i Ulstein. Kvalen var ein Knølkval, truleg
eit ungt individ, anslått til ca 7-10 meter langt.
Knølkvalen er ein bardekval som normalt kan verte
15 meter lang og vege 30 tonn, men store hoer kan verte 19
meter, og vege 40 tonn. Kvalen har fått namn etter knølane
(store knutar) som den har på kroppen og sveivene. Eit
anna kjenneteikn er dei store framsveivene som er ca 1/3 av
kroppslengda. Desse er opphavet til det latinske namnet Megaptera
som tyder ”store venger”. Knølkvalen løftar
halefinnen ut av vatnet når den dykkar.
Kalven veg 700 kg ved fødselen, og er 4 – 4,5
meter lang. Den diar mora i eitt år, då har den
vorte 9 meter lang. Arten vert kjønnsmoden 5 år
gamal, og kan oppnå ein alder på 80 år.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
Foto: Lise Chapman, Runde Miljøsenter.
|
