|
Garnfangst
18. august 2011
Bård Kopperstad fekk meir enn fisk då han fiska ved fuglefjellet på Runde torsdag. Ei lenke gamle torskegarn er no fjerna frå Liafluda.
Tapte garn kan gjere stor skade om dei blir ståande i havet og fiske i årevis etter at dei er mista. Derfor er det viktig å få fjerne så mykje av dei som råd.
Torsdag 18. august var Bård Kopperstad med sjarken Skagen og fiska på Liafluda like utanfor fuglefjellet på Runde. Men det var ikkje berre fisk han fekk opp: Ei lenke gamle torskegarn vart også ein del av fangsten denne dagen. Og dei hadde han ikkje lyst til å sleppe i havet igjen.
Løysinga vart ein telefon til Runde Miljøsenter. Lars Golmen og Suel Kassembo frå miljøsenteret tok imot dei gamle garna, som no ligg trygt på land.
Bård Kopparstad og Suel Kassembo har fått garna på land.
Foto: Lars G. Golmen
Snurrevadsjarken "Skagen"
Foto: Lars G. Golmen
|
