|
Verksemda
Du kan også lese Runde
Miljøsenter sin rapport til Nordisk Råd (PDF
- 5MB)
Personar med tilknyting til Runde
Miljøsenter
Klikk her for meir info
Drift
Stasjonen skal drivast av Runde Miljøsenter AS. Dette
selskapet vart stifta i 2004 og er eigd av Lars Golmen, Hans
Petter Runde, Greta Garnes og Nils-Roar Hareide. Selskapet
arbeider med å legge til rette for at forskingsinstitutt,
universitet og andre kan kome til Runde for å drive
forsking. I tillegg skal selskapet samle inn grunnleggande
miljødata både frå sjø og land.
Det vart i april 2005 sett opp ein automatisk meteorologistasjon
på Runde, og månadleg innsamling av miljødata
har starta i "Den
grøne korridor". Selskapet har i samarbeid
med NIVA (Norsk institutt for vannforsking) fått i oppdrag
å drive bylgjemåling i samband med utbygginga
av Ormen Lange-feltet. Runde Miljøsenter har òg
i samarbeid med NIVA og Høgskolen i Ålesund lagt
til rette for at japanske forskarar frå instituttet
RITE kunne gjennomføre eit forskingsprosjekt i Storfjorden
hausten 2005. Runde Miljøsenter AS har no etablert
kontor på Runde.
Stasjonen skal ikkje operere som eit forskingsinstitutt,
men vere tilretteleggar for at forskarar frå resten
av verda kan kome til Runde og samle data og materiale, teste
utstyr, analysere måleseriar og skrive rapportar.
I tillegg til denne oppgåva skal stasjonen samle inn
grunnleggande miljødata som skal vere tilgjengelig
for forskarar som vitjar stasjonen og for forskarar som arbeider
med til dømes klimaendringar, fugleforsking og fiskeriforsking.
Opptaking av forsøksrigg i Storfjorden september 2005.
Prosjektet var gjennomført av RITE, Japan og NIVA,
Noreg.
Runde Miljøsenter AS set ut målebøye i
Onadjupet, November 2005.
Prosjekt i regi av NIVA på oppdrag frå Norsk Hydro.
Bygg
Det er planlagt eit bygg på tilsaman 1450 kvadratmeter
som er kostnadsrekna til 25 millionar kroner. Bygget er tenkt
plassert i det gamle steinbrotet ved hamna. Det er inngått
munnleg avtale med grunneigarane i området om at Runde
Miljøsenter kan få kjøpe eit areal å
vel 7 mål (sjå figuren under). Det er no sett
i gang reguleringsarbeid i regi av Herøy Kommune for
å legge forholda til rette for etableringa.
Kart over hamneområdet på Runde.
Skravert område viser tomta der stasjonen skal plasserast
Bygget skal ha vesentleg høgare miljøkrav enn
vanlege bygg. Det skal vere null utslepp og der skal vere
lav energibruk og høg grad av gjenvinning og resirkulering.
Bygget skal vere eit ”forbildeprosjekt” som skal
vere med på å utvikle og formidle kunnskap om
miljøvennlege byggemetodar og energibruk. Det skal
leggast vekt på at arkitektonisk utforming og byggtekniske
løysingar skal optimalisere energibruk og innemiljø
og minimalisere utslepp. Ulike energiforsyningsløysingar
skal vurderast (sol, bio, varmepumpe, gass og biogass). Det
skal settast saman integrerte konsept dvs teknologi og løysningar
som passar saman, slik at ein får kostnadseffektive
og robuste system og bygg.
I denne prosessen skal det involverast eskpertise frå
NTNU og Universitetet for miljø og biologi (Ås).
Desse skal samarbeide med arkitekt, ingenør og ulike
utstyrsleverandørar.
Planleggings- og byggeprosessen skal dokumenterast og formidlast
både i media, på internett og i det framtidige
infosenteret.
Til Toppen
|
